نئی دہلی میں ٹرین کی پٹری پر سیلفی لیتے ہوئے دو نوجوان ہلاک

 نئی دہلی میں دو نوجوان ریلوے پٹری پر سیلفی لیتے ہوئے ٹرین کی زد میں آکر ہلاک ہوگئے۔

 نوجوانوں کا ایک گروہ شہر کے مشرقی حصے میں ٹرین کی پٹریوں کے نزدیک سامنے سے آنے والی ٹرین کے ساتھ سیلفی لینے کے لیے گیا تھا۔

لیکن سیلفی لیتے ہوئے دو لڑکے بروقت پٹری سے ہٹنے میں ناکام رہے اور ٹرین کے نیچے کچلے گئے۔

لڑکوں نے سامنے سے آنے والی ٹرین کو دیکھتے ہوئے خود کو دوسری جانب کر لیا لیکن وہ



دوسری طرف سے آنے والی ٹرین کو نہ دیکھ سکے اور اس کے نیچے آ گئے۔

ریلوے پولیس  نے بتایا کہ ان نوجوانوں نے ان تصاویر کے لیے پروفیشنل کیمرہ کرائے پر لیا تھا۔

ریلوے پولیس کے ڈپٹی کمشنر پرویز احمد نے کہا کہ: ’ہم نے ان لڑکوں کے زیر استعمال کیمرہ ضبط کر لیا ہے۔ ان میں تصاویر اور ویڈیو دونوں شامل ہیں اور ویڈیو کو ہم نے مزید تحقیق کے لیے بھیج دیا ہے۔ تصاویر سے یہ ثابت ہوتا ہے کہ لڑکے ایک پٹری سے دوسری پٹری پر چھلانگیں لگا رہے تھے۔